నాగరికత

నాగరికత బట్ట కట్టింది ఆనాడు
బజారుకెళ్ళి విడిచింది ఈనాడు

అన్ని వయస్కులకు ఆ వోణీ అడ్డు నిలిచింది

ఈనాటి మగువకు చిన్న గాలికే చున్నీ చెలరేగింది

ఆనాటి నాతి ఎద లోన అందాల సూత్రాలు
ఈనాటి మహిళల సూత్రాల నర్తనలు దొంగలకు ఆత్రాలు

భర్త పేరు చెప్పుటకు సిగ్గు పడి వారు వారంటే

నిస్సిగ్గుగా భర్త పేరుతో పిలిచి వాడు వాడంటుంటే

కట్టుబాటు లేక గుట్టు బట్టబయలాయే
ఇంతి గుట్టు వంటికి చెడుపాయె

తల్లులు పిల్లలకు భూత పురాణాలు చెప్పి

ఊయలలూపి లాలింపగ

నాగరీక తల్లులీనాడు సినీ బూతు పురాణాలే చెప్పి
ఊహల జంపాలలూపుతుండె!

నాటి నాగరికత నట్టింట బుట్టింది

నేటి నాజూకు నియతి లేక వీధి బట్టింది

పోలూరు బాబురావు, నూజివీడు