నిర్ణయ బలిమి

ఓం శ్రీ విఘ్నేశ్వరాయ నమః

ఎప్పటికెయ్యది ప్రస్తుత సమస్యకు అప్పటికా తుది నిర్ణయంబు
తప్పక గైకొనవలె స్వయముగా చెప్పెడు ఇతరుల సూచన 

తప్పని తలపక తప్పదు సుమీ!
ఆడిన మాట తప్పని బలి చక్రవర్తి అడగ వచ్చిన వాడు 

రాక్షసాంతకుడగు శ్రీహరియని తెలిసి
కడగి మనోధైర్యంబుతో అడగకనే ఇచ్చు ధాతృత్వ వంశజుండైవుండి   కడకు తుది నిర్ణయము ప్రకటించి
అడగవచ్చిన వటువు విష్ణువేనని తెలిపిన
   గురుడు శుక్రాచార్యు మాట తప్పుట చెడుయని తలచి
మాట వినక తన ధన ప్రాణంబుల్ వీడి
లక్షింపక త్రివిక్రమునకు మూడడుగులు దానమిచ్చి ధన్యత చెందెన్
వామనుడు వాంచితంబగు భిక్ష పొందినంతనె దానవ రాజుకున్
తన నిజ రూపమెరిగింప వేగమేనొక పాదంబుతో సత్యలోకమె కొలువ
వేరొక పాదముతో కర్మభూమి ధరణిపై మోపి మూడవ అడుగుకు స్థలమేదని అడుగగ తన జ్ఞాన పీఠమే తగినదని తలవంచెనా బలి
అంతట పాద ఘట్టనతో అతనిని పాతాళంబు జేర్చి
మూడడుగుల ముల్లోకముల్ గొల్చె నా త్రివిక్రము పరాక్రమున్
మానవ నిర్ణయంబులెప్పుడును ఆధ్యాత్మిక బలిమి కలిగి యుండవలె
ఇది పరమ గురుడు చెప్పిన మాట తెలుసుకోర పామరుడా

పోలూరు బాబురావు, నూజివీడు