తత్త్వం

మనసు భావమెరిగి మాటను నోటికందిస్తే
నోరు తారుమారు చేసి మాటాడితే
ముందుగా చేతికేగా పనులు దక్కు!
కుడి చేయి మంచి పనులు చేయగ తొందర
ఎడమ చేయి పాచి పనులకే ముందర
కుడి ఎడమలేదైన పొరపాటు లేదందురే
రెండు చేతుల ఆర్జించు కొందరకు ఏది ఏ చేయో ఏమి తెలుసు?
తెలిసినవాడొక్కడే ఆ వ్రాత తాత
చేతి ముద్రకు ముందే నొసటి వ్రాత వ్రాసినాడు
ముద్ర తత్త్వమిదియని సాముద్రికుడు చెప్తే
వాడి ముద్దకోసమదియని సరి పెట్టుకోవాలి మరి!

పోలూరు బాబురావు, నూజివీడు