గుండె గొంతుకలో ... అభిసారిక

మగువకు కురులే అందం
ప్రియునికి జత జడ బంధం
వాలు కనుల సఖి చూపులో
వీలుకల కాంతుని అనుబంధం

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

ఆకాశపు గొడుగులో
అరుణుడు అగ్ని చూపుతో
గొడుగులో వగలాడికి
సెగరేగి గుబులౌతోంది!

సూర్య తాపానికి
నువు ఛత్త్రం ధరిస్తే
ప్రియ పరితాపంతో
ఆతడు ఛత్త్రపతౌతే!

పగలంతా సూర్యుడు
గస్తీ తిరుగుతూంటే
బస్తీ వగలాడీ వడిగా
ఛత్త్రం చేబట్టి వస్తోంది

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

  

వేసవి వేడిమికి
ఆరుబైట సేద దీర
ఆకశాన కారు మబ్బు
వరుణ తారగా వర్షించే

ప్రియ వియోగ తపనకు
మేఘుడే కరుణించి
తన ప్రియ మేఘమాలను
వర్షింపజేసి చల్లబరిచె!

ఆకాశ దర్పణంలో
అతివ ప్రతిబింబం...
మేఘనాదుని చేరి
వర్షించి చల్లబరిచె!

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

వరుని తలపులే
ప్రేమ మంత్రమై
కోరికలు తీర్చే
ముంజేతి మంత్ర దండమైంది...

మనసున మెరిసిన బంధం
చేజిక్కి మంత్ర దండమై
కోరినవెన్నో
దక్కుతున్నాయన్నీ

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

మది తలచి మైమరచి
నిదురించి కలగంటే
నీదు మధురిమ గానం
నాదు ఫలిత ఊహాగానం

నిదురించిన మనసుకు
కలలంటే ఇష్టం
ప్రియ గాన మధురిమలో
ఊహల చెట్టా పట్టాల్

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

ప్రేమతో పట్టిన హారతి
ప్రియుని మది తాకి
ధూప దర్శనంతో
ధన్యత చెందాను

మయుని మరిపించే
మాయా దీపంతో
ప్రియుని వశము పొంది
ధూపంలో దర్శించింది!

దూరమైన ప్రేమికుని
అల్లౌద్దీన్ దీపంతో
ధూమంలో దర్శించా

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

వ్రేలి ఉంగరం
ప్రేమకు సాక్ష్యం
ప్రతి కిరణంలో
ప్రియుని ప్రత్యక్షం

ప్రియుడు తొడిగిన
ఉంగరం పెళ్ళికి మార్గం
ప్రతిఫలించిన కిరణంలో
మగువకు దర్శనం

ఈనాడు పత్రికలో 'గుండె గొంతుకలో' శీర్షికకు
పోలూరు బాబురావు, నూజివీడు

గుండె గొంతుకలో ... అభిసారిక

నా కంటి వెలుగులో
నిను చూసుకుంటా...
ఆ వెలుగుజాడలో
నను తలచుకోరా...

ఒంటిగ నున్న చెలికి
మనసున మెదిలిన చిత్రం
కంటికి చేరి
ప్రియుడై వెలుగొందె!

మనసులోని కాంతి చిత్రం
చెలి కంటి కిరణమై
వెలుగు బుగ్గగ మారి
ప్రియుని చిత్తరువైంది!

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

చెరగని పచ్చ బొట్టులో

మరుని అనంత మూర్తి

చెదరని చిరునవ్వుతో

నా ప్రియ భుజ కీర్తి

తల తడియారబెట్టి

భుజాన పచ్చ బొట్టెట్టి

ప్రియుని తాళి బొట్టుకు

చిరునవ్వు చిక్కబట్టుకున్న...

ప్రియుని పచ్చ బొట్టుతో

ప్రేమ పంచుకొన్నట్టు

తాళి బొట్టు కొరకు

చిరునవ్వు దాచుకొన్నట్టు

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

అద్దం అబద్ధం ఆడదు
నీ బింబానికి ప్రతిబింబం
నిజంగా తానేనని
చెప్పకనే చెబుతోంది...

చక్కని కనులే
చెక్కిలికందం
చిక్కిన చెలి అద్దంలో
చుక్క ప్రతిబింబం

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

పిడికెటంత ప్రియ హృదయం
చిటికకే చేజిక్కితే
అనంత ఆనందం
అంబరాన సంబరం

నీ రూపమే హృది వలచి
నీ జపమే మది తలచి
కనుగొంటిని అంబరాన
అందుకోవా సంబరానికి




ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

ముంగురులను తప్పించి
ముద్దాడిన ప్రియుని
సమాచారమందించే
రాయబారి సీతాకోక చిలక

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

తొలకరి చినుకుతో
నేల పరవశింపగ
మలి చినుకులో ప్రియుని
జాలి చూపుతో మైమరచాను!

చినుకులో నువ్వున్నావని
నను మరువలేదని
చినుకు తాకినంతనే
పులకితనై పరవశించాను!


ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు

గుండె గొంతుకలో ... అభిసారిక

నువ్వే నాలో కలవని
నా శ్వాసలో దాగి
నిశ్వాస నురగలో
విశ్వాస బుడగవయ్యావు!

ప్రతి శ్వాసలో నీ ధ్యాసే
నాలోనే వున్నావని
ప్రతి నురగ బుడగలో
వెతగగా కన్పించావంతలో!

నాలో నీవున్నావని
నీవూ నేను మనమేనని
నేడే నా శ్వాస ఊసులో
తెలిసిందిలే...

ఈనాడు పత్రికలో 'గుండె గొంతుకలో' శీర్షికకు

పోలూరు బాబురావు, నూజివీడు